រដ្ឋាភិបាល លែង​ឲ្យ​កម្មករ​បង់ប្រាក់​របប​សន្តិសុខ​សង្គម​ផ្នែក​សុខភាព​ចាប់ពី​ឆ្នាំ​២០១៨

ភ្នំពេញ​៖ ប្រមុខ​រដ្ឋាភិបាល សម្ដេច ហ៊ុន សែន បានប្រកាស​ឈប់​ឲ្យ​កម្មករ​បង់ប្រាក់​របប​សន្តិសុខ​សង្គម​ផ្នែក​សុខភាព​ទៀតហើយ​ចាប់ពី​ខែមករា​ឆ្នាំ​២០១៨ តទៅ ដោយ​ប្រាក់​នេះ​ថៅកែ​រោងចក្រ​ជា​អ្នក​បង់​ជំនួស​។

​ក្នុង​ពិធី​ជួប​សំណេះសំណាល​ជាមួយ​កម្មករ​រោងចក្រ​នៅ​តំបន់​សេដ្ឋកិច្ច​ពិសេស​ភ្នំពេញ នៅ​ថ្ងៃទី​២៣​ខែសីហា​នេះ សម្ដេច ហ៊ុន សែន បាន​ថ្លែង​យ៉ាង​ដូច្នេះ​ថា​៖«​មុននេះ​កម្មករ​-​កម្ម​ការ​នី​បង់ប្រាក់ ៥០​ភាគរយ​លើ​របប​សន្តិសុខ​សង្គម​ផ្នែក​ថែទាំ​សុខភាព តែ​ចាប់ពី​ខែមករា​ឆ្នាំ​២០១៨​តទៅ​កម្មករ​ត្រូវ​ឈប់​បង់ប្រាក់​នេះ​ទៀតហើយ ជំនួស​មកវិញ​ម្ចាស់​រោងចក្រ​ត្រូវ​បង់​ជំនួស ដើម្បី​ឲ្យ​កម្មករ​ទទួលបាន​អត្ថប្រយោជន៍​ពី​ការព្យាបាល​»​។ បើតាម​សម្ដេច ហ៊ុន សែន កម្មករ​នឹង​ចំណេញ​ប្រាក់​ពី ៨០០០​រៀល ទៅ ១៣០០០​រៀល​ក្នុង​មួយខែ​ពី​ការអនុគ្រោះ​ថ្មី​នេះ​។ សម្ដេច​បញ្ជាក់ទៀតថា រដ្ឋាភិបាល​បាន​បន្ធូរ​បន្ថយពន្ធ​កាត់​ទុក​ដល់​បណ្ដា​រោងចក្រ​ដើម្បី​មានលទ្ធភាព​អនុវត្តតាម​ការ​នយោបាយ​ប្រកាស​ចេញ​នេះ​។​

 

 

 

មិនទាន់ផុត ពិន័យ ១ឆ្នាំ ផង ដេនី ក្វាន់ ឡើងឆាកបាត់

ភ្នំពេញ៖ តារាសិចស៊ី ដេនីក្វាន់ បញ្ចេញភាពសិចស៊ីហួសហេតុ ខូចតម្លៃអ្នកសិល្បៈ និងតម្លៃវប្បធម៌ប្រពៃណីខ្មែរដែលធ្លាប់បានធ្វើឲ្យកក្រើក ព្រោះរឿងសិចស៊ីនោះ ត្រូវបានក្រសួងវប្បធម៌ និងវិចិត្រសិល្បៈដាក់ពិន័យ និងព្រមានមិនឲ្យមានសកម្មភាពអ្វីទាំងអស់ ក្នុងវិស័យសិល្បៈ រួមមានការសម្តែងថតខ្សែភាពយន្តច្រៀងនៅតាមកញ្ចក់ទូរទស្សន៍ចំនួនមួយឆ្នាំ។ ការព្រមានេះត្រូវបានធ្វើឡើងកាលពីចុងខែមេសាឆ្នាំ២០១៧កន្លងទៅនេះ។

ប៉ុន្តែថ្មីៗនេះ ស្រាប់តែនាងលេចមុខនាងចូលលេងក្នុងកម្មវិធីលេងហ្គេមកម្សាន្ត (ផ្ទះលោកតា) របស់ទូរទស្សន៍​CTN ធ្វើឲ្យមានការភ្ញាក់ផ្អើល ទៅវិញ។ ទស្សនិកជនជាច្រើនចោទសួរថា ហេតុអ្វីបានជាការសេចក្តីប្រកាសពិន័យ​លើតារាស្រីរូបនេះហាក់មិនមានប្រសិទ្ធិភាព ឬមួយក៏ស្ថានីយទូរទស្សន៍ដែលហៅនាងទៅចូលរួមកម្មវិធីមិនគោរពតាមការណែនាំរបស់ក្រសួង។

ទោះជាយ៉ាងណាគេនៅមិនទាន់ឃើញការបញ្ជាក់ពី តារាសម្តែង ដេនី ក្វាន់ នៅឡើយទេ។ ប៉ុន្តែតាមរយៈការផ្សាយវីដេអូបន្តផ្ទាល់ពីតារាស្រីរូបនេះគឺបានចូលរួមសម្តែង និងថតទុកជាមួយសិល្បករល្បីៗមួយចំនួនទៀត ដូចជានាយ ពែកមី កញ្ញា នី មុនីនាថជាដើម។

កន្លងទៅនៅក្នុងលិខិតផ្លូវការ របស់ក្រសួងវប្បធម៌ផ្ញើទៅកាន់រដ្ឋមន្ត្រីក្រសួងព័ត៌មានបានឲ្យដឹងថាក្រសួងវប្បធម៌បានសម្រេចដាក់ពិន័យផ្អាកតារាសម្តែងនាងដេនីក្វាន់ មិនឲ្យធ្វើសកម្មភាព ពាក់ព័ន្ធនឹងវិស័យសិល្បៈ គ្រប់រូបភាពរួមមានការសម្តែងថតខ្សែភាពយន្តខារ៉ាអូខេស្ពតច្រៀងបង្ហាញមុខនៅតាមកញ្ចក់ទូរទស្សន៍ជាដើម រយៈពេល១ឆ្នាំ គិតចាប់តាំងពីថ្ងៃទី២៥ ខែមេសា ឆ្នាំ២០១៧ ដល់ថ្ងៃទី២៤ ខែមេសា ឆ្នាំ២០១៨។

ទោះជាយ៉ាងណាលោកខៀវ កាញារីទ្ធ រដ្ឋមន្ត្រីក្រសួងព័ត៌មានធ្លាប់សរសេរបង្ហោះនៅលើគណនេយ្យហ្វេសប៊ុករបស់លោកថា៖ «ខ្ញុំមិនដែលស្គាល់នាងទេ ហើយក៏មិនឈឺក្បាលរឿងនាងស្លៀកពាក់នៅក្រៅឆាកដែរ។ តែការហាមឃាត់ការសំដែងរបស់នាង ត្រូវមានភស្តុតាងច្បាស់លាស់នោះ៕

 

 

 

 

កូរ៉េខាងត្បូង​មិន​ចង់​មាន​នុយក្លេអ៊ែរ​ដូច​កូរ៉េខាងជើង ព្រោះ​អត់​ចង់​នាំ​បញ្ហា​ដាក់ខ្លួន​

នាយករដ្ឋមន្ត្រី​កូរ៉េខាងត្បូង Lee Nak-yeon នៅ​ថ្ងៃទី​១៦ ខែសីហា បាន​ឆ្លើយតប​ជា​វិជ្ជមាន​ទៅនឹង​សំណើ​ដែល​ចង់​ឲ្យ​កូរ៉េខាងត្បូង​មាន​អាវុធ​នុយក្លេអ៊ែរ​ខ្លួនឯង សំដៅ​ការពារ​ខ្លួន​ពី​ការគំរាមកំហែង​ផ្សេង​ជាពិសេស​កូរ៉េខាងជើង​។ បើតាម​សម្ដី​លោក Lee Nak-yeon កូរ៉េខាងត្បូង​មិនទាន់មាន​គម្រោង​អភិវឌ្ឍ​នុយក្លេអ៊ែរ​ដោយ​ខ្លួន​ទេ ព្រោះ​ការផលិត​អាវុធ​ប្រល័យ​លោក​នេះ អាច​នាំ​បញ្ហា​ដាក់ខ្លួន​ដូច​អ្វីដែល​កូរ៉េខាងជើង​កំពុង​ជួបប្រទះ​សព្វថ្ងៃ​ដូច្នេះ​ដែរ​។​

​ការអភិវឌ្ឍ​នុយក្លេអ៊ែរ និង​មី​ស៊ី​ល​ឥតឈប់ឈរ​ពី​សំណាក់​កូរ៉េខាងជើង បានធ្វើ​ឲ្យ​មានការ​លើកឡើងថា កូរ៉េខាងត្បូង​គួរ​មាន​អាវុធ​នុយ​ក្ល​អ៊ែរ​ក្នុង​ឃ្លាំង​របស់ខ្លួន​ដែរ​។ កូរ៉េខាងជើង​បាន​ប្រឹងប្រែង​យ៉ាងខ្លាំង​ក្នុងការ​ពង្រីក​អានុភាព​នុយក្លេអ៊ែរ និង​មី​ស៊ី​ល​របស់ខ្លួន​។ កាលពី​ឆ្នាំមុន ក្រុង​ព្យុងយ៉ាង​បាន​សាកល្បង​នុយក្លេអ៊ែរ​ពីរដង និង​បាន​បាញ់​មី​ស៊ី​ល​ច្រើនលើកច្រើនសារ​។ នៅ​ឆ្នាំនេះ ព្យុងយ៉ាង​ក៏មាន​សមត្ថភាព​ផលិត​មី​ស៊ី​លបាញ់​ដល់​ទឹកដី​អាមេរិក​ទៅទៀត​។

​យ៉ាងណាក្ដី កូរ៉េខាងត្បូង​មិនមាន​បំណង​ដើរ​តាមផ្លូវ​របស់​កូរ៉េខាងជើង​ឡើយ ព្រោះ​វា​អាច​ប៉ះពាល់​ស្ថិរភាព​តំបន់ និង​បង្កបញ្ហា​ឲ្យ​ខ្លួន​ទៀតផង​។ នាយករដ្ឋមន្ត្រី​កូរ៉េខាងត្បូង លោក Lee Nak-yeon និយាយថា ប្រសិន​កូរ៉េខាងត្បូង​មាន​នុយក្លេអ៊ែរ វា​នឹង​បង្កបញ្ហា​ដល់​ការរំសាយ​នុយក្លេអ៊ែរ​របស់​កូរ៉េខាងជើង ធ្វើ​ឲ្យ​មានការ​រត់ប្រណាំង​សព្វាវុធ​នៅក្នុង​តំបន់ ហើយ​កូរ៉េខាងត្បូង​នឹងរង​ទណ្ឌកម្ម​របស់​អន្តរជាតិ​មិន​ខាន​។​

​បើតាម​ទីភ្នាក់ងារ​ព័ត៌មាន Yonhap លោក Lee បាន​និយាយ​ក្នុង​បទ​សម្ភាស​មួយ​ថា កូរ៉េខាងត្បូង​មិនទាន់​សម្រេចចិត្ត​លើ​បញ្ហា​ទាំង​ប្រញាប់ប្រញាល់​ឡើយ​។ ទោះជា​មិនទាន់​ចង់​មាន​អាវុធ​នុយក្លេអ៊ែរ កូរ៉េខាងត្បូង​ក៏​មិន​បោះបង់​គំនិត​ចង់បាន​នាវាមុជទឹក​ដើរ​ដោយ​ថាមពលនុយក្លេអ៊ែ​រដែរ ដោយ​នាយករដ្ឋមន្ត្រី​ដដែល​នេះ​បញ្ជាក់ថា វា​ក៏​ដល់​ពេលដែល​ត្រូវ​និយាយ​រឿងនេះ​ដែរ ដើម្បី​ទប់ទល់​ការ​គំរាម​របស់​កូរ៉េខាងជើង​។​

​ឆ្លៀតឱកាស​នោះ លោក Lee ក៏​បញ្ជាក់ដែរថា ក្រុង​សេ​អ៊ូ​ល និង​ក្រុង​វ៉ាស៊ីនតោន កំពុង​ដើរ​លើផ្លូវ​តែមួយ​ក្នុងការ​ដោះស្រាយ​បញ្ហា​នុយក្លេអ៊ែរ​កូរ៉េខាងជើង​។ លោក​លើកឡើង​បែបនេះ ចំ​ពេលដែល​ប្រធានាធិបតី ដូ​ណា​ល់ ត្រាំ គំរាម​ចាត់ការ​កូរ៉េខាងជើង ដោយ​មិន​ឆ្លង​យោបល់​កូរ៉េខាងត្បូង​។ លោក Lee ចាត់ទុក​ស្ថានការណ៍​នៅ​ឧបទ្វីប​កូរ៉េ​សព្វថ្ងៃ​ថា​មកដល់​ដំណាក់​គ្រោះថ្នាក់ ដែល​គេ​មិន​រំពឹងថា​អាច​កើតឡើង​បាន​។​

​ភាព​តានតឹង​នៅ​ឧបទ្វីប​កូរ៉េ​បាន​កើន​កម្ដៅ​ខ្លាំង​នៅ​សប្ដាហ៍​មុន បន្ទាប់ពី​កូរ៉េ​គំរាម​បាញ់​មី​ស៊ី​ល​រយៈ​ចម្ងាយ​មធ្យម Hwasong-12 ដាក់​តំបន់​ក្បែរ​ហ្គា​ម​របស់​អាមេរិក​។ អាមេរិក​បាន​ឆ្លើយតប​វិញ​ដោយ​គំរាម​កម្ទេច​កូរ៉េខាងជើង បើ​រដ្ឋ​កុម្មុយនីស្ត​មួយ​នេះ​ហ៊ាន​ប៉ះពាល់​ទឹកដី​របស់ខ្លួន​។ ប្រធានាធិបតី ត្រាំ ង​ក៏បាន​និយាយ​ជា​ចំហ​ពី​ការប្រើប្រាស់​កម្លាំង​ទ័ព​ដើម្បី​វាយប្រហារ​កូរ៉េខាងជើង​ទៀតផង​។ យ៉ាងណាក្ដី កូរ៉េខាងជើង​បាន​ផ្អាក​ផែនការ​នេះ​សិន ដោយ​រង់​ចាំមើល​ទង្វើ​អាមេរិក​បន្តទៀត​៕

 

 

 

 

​កម្ពុជា​រង​ឥទ្ធិពល​សម្ពាធ​ទាប​ពី​សមុទ្រ​ចិន​ខាងត្បូង​ដែល​ធ្វើដំណើរ​ឆ្លងកាត់​វៀតណាម​

​ក្រសួង​ធនធានទឹក និង​ឧតុនិយម​បាន​បន្តទៀតថា លក្ខណៈ​បែបនេះ នឹងធ្វើ​ឲ្យ​អាកាស​ធា​ត​នៅ​កម្ពុជា ចាប់ពី​ថ្ងៃទី​១៧ ដល់​ថ្ងៃទី​២០ ខែសីហា​ឆ្នាំ​២០១៧​នេះ នៅ​តំបន់​ទាំងបី​របស់​ប្រទេស​កម្ពុជា​អាចមាន​ភ្លៀង​ធ្លាក់​ខ្លាំង លាយឡំ​ជាមួយនិង​ផ្គរ​រន្ទះ​។​

​តំបន់​ទំនាប​កណ្ដាល ផ្ទៃមេឃ​មាន​សភាព​អាប់អួរ មាន​ពពក​ច្រើន ក្នុងនោះ​មាន រាជធានី​ភ្នំពេញ កណ្ដាល ស្វាយរៀង បាត់ដំបង សៀមរាប និង​ខេត្តបន្ទាយមានជ័យ អាចមាន​ភ្លៀង​ធ្លាក់​ខ្លាំង លាយឡំ​ជាមួយ និង​ផ្គរ​រន្ទះ​។ ចំពោះ​ខេត្តតាកែវ កំពង់ស្ពឺ កំពង់ឆ្នាំង ពោធិ៍សាត់ ប៉ៃលិន និង​ខេត្តកំពង់ធំ អាចមាន​ភ្លៀង​ធ្លាក់​ពី​មធ្យម​ទៅ​បង្គួរ​។​

​តំបន់​ខ្ពង់រាប ផ្ទៃមេឃ​មាន​សភាព​អាប់អួរ មាន​ពពក​ច្រើន​ដេ​ដាស ក្នុងនោះ​មាន ខេត្តមណ្ឌលគិរី រតនគិរី ស្តឹង​ត្រែង ព្រះវិហារ និង​ខេត្ត​ឧ​ត្ត​រ​មានជ័យ អាចមាន​ភ្លៀង​ធ្លាក់​ខ្លាំង លាយឡំ​ជាមួយនិង​ផ្គរ​រន្ទះ​។ ចំណែកឯ ខេត្ត​ត្បូងឃ្មុំ កំពង់ចាម និង​ខេត្តក្រចេះ អាចមាន​ភ្លៀង​ធ្លាក់​ពី​មធ្យម​ទៅ​បង្គួរ​។​

​តំបន់​មាត់សមុទ្រ ផ្ទៃមេឃ​មាន​សភាព​អាប់អួរ មាន​ពពក​ច្រើន​ដេ​ដាស មាន​ភ្លៀង​ធ្លាក់​ខ្លាំង លាយឡំ​ជាមួយនិង​ផ្គរ​រន្ទះ ហើយ​និងរ​លកស​មុ​ត្រ​មាន​កំពស់​ខ្ពស់ៗ​។

​ក្រសួង​ធនធានទឹក  បានស្នើ​ប្រជាពលរដ្ឋ​ទាំងអស់​ឲ្យ​មានការ​ប្រុងប្រយ័ត្ន​ចំពោះ​ជំនន់​ទឹកភ្លៀង​ដែល​អាច​កើតមានឡើង ជាពិសេស​នោះ គឺ​ចំពោះ​ប្រជា​នេសាទ​សមុទ្រ និង​អ្នកធ្វើដំណើរ​តាម​សុ​ទ្រ ត្រូវ​បង្កើន​ការយកចិត្តទុកដាក់​ប្រុងប្រយ័ត្ន​ឲ្យ​បាន​ខ្ពស់ ដើម្បី​ចៀសវាង​នូវ​គ្រោះថ្នាក់​ផ្សេងៗ​ដែល​អាច​កើតមានឡើង​ជាយថាហេតុ​៕

 

 

 

 

 

PRICES FOR TAXI AND VAN FROM/TO SIHANOUKVILLE

(Prices for whole car, all taxes are included, no extra charges)

DIRECTION	KM	TIME	TAXI	BUS
Whole day around Sihanoukville (Kbal Chay waterfalls-Riem national park-fishing village-temples-beaches)		8 hours	$55	$75
Phnom Penh ↔ Sihanoukville  (one way)	230 Km	3-4 hours	$55	$75
Airport Sihanoukville ↔ Sihanoukville Town	30 km	40 minutes	$20	$25
Siem Reap ↔ Sihanoukville	550 km	8-10 hours	$130	$200
Kampot ↔ Sihanoukville	100 km	2 hours	$35	$75
Kep ↔ Sihanoukville	130 km	2-3 hours	$40	$80
Koh Kong Province ↔ Sihanoukville	250 km	4-5 hours	$65	$110
Trat (Thailand) ↔ Sihanoukville	340 km	6-7 hours	$120	$180
Koh Chang ferry (Thailand) ↔ Sihanoukville		7 hours	$130	$180
Pattaya (Thailand) ↔ Sihanoukville	580 km	9-11 hours	$200	$280
Bangkok (Thailand) ↔ Sihanoukville	670 km	10-12 hours	$240	$310
Hatien (Vietnam border) ↔ Sihanoukville		3 hours	$55	$105
Phnom Den (Vietnam border) ↔ Sihanoukville		5 hours	$85	$155
Ho Chi Minh (Vietnam) ↔ Sihanoukville	500 km	9-11 hours	$220	$320

Sihanoukville Beach, Cambodia

Koh Rong Sihanoukville, Cambodia

Koh Song Sa, Sihanoukville, Cambodia

Kbal Chhay Waterfall, Sihanoukville, Cambodia

Ream National Park, Sihanoukville, Cambodia

រថយន្ត​ចំណាស់​៧០០​គ្រឿង​បង្អួតខ្លួន​នៅ​ក្រុងប៉ារីស អ្នកបើក​ស្លៀកពាក់​តាម​សម័យកាល​របស់​រថយន្ត​

រថយន្ត​ដែលមាន​ចំណាស់​យ៉ាងតិច​បំផុត​៣០​ឆ្នាំ​ចំនួន​៧០០​គ្រឿង បាន​ចូលរួម​ក្នុង​ព្រឹត្តិការណ៍ Traversee de Paris លើក​ទី​១០ ដែល​រៀបចំ​ដោយ​សមាគម Vincennes en Anciennes កាលពី​ចុង​សប្តាហ៍​កន្លងមក​។ ព្រឹត្តិការណ៍​នេះ ត្រូវ​រៀបចំឡើង​នៅ​រៀងរាល់​ពីរ​ឆ្នាំ​ម្តង​នៅក្នុង​ទីក្រុង​ប៉ារីស​សម្រាប់​ក្រុម​អ្នក​ស្រឡាញ់​រថយន្ត​។​

​នាំមុខ​ដោយ​រថយន្ត 403 Cabriolet រថយន្ត​ចំណាស់​សរុប​៧០០​គ្រឿង បានធ្វើ​ដំណើរ​បង្ហាញខ្លួន​លើ​ចម្ងាយ​ផ្លូវ​២៨​គីឡូម៉ែត្រ​ក្នុង​ក្រុងប៉ារីស ចន្លោះ​ពី​វិមាន Vincennes ទៅ Meudon​។ ម្ចាស់​រថយន្ត​ត្រូវបាន​តម្រូវ​ឲ្យ​ស្លៀក​សម្លៀកបំពាក់​ទៅតាម​សម័យកាល​របស់​រថយន្ត​។​

​សម្រាប់​ព្រឹត្តិការណ៍ Traversee de Paris លើក​ទី​១០​នេះ រថយន្ត​កែច្នៃ ម៉ូតូ រួមទាំង​ត្រាក់ទ័រ ក៏បាន​ចូលរួម​ជា​កិត្តិយស​ផងដែរ ដោយ​កម្មវិធី​ចាប់​ដំណើរ​ពី​ម៉ោង​៧ និង​៣០​នាទី​ព្រឹក រហូតដល់​ថ្ងៃត្រង់​។ ក្នុងចំណោម​រថយន្ត​ទាំង​៧០០​គ្រឿង​នោះ ក៏មាន​រថយន្ត​ចំណាស់​ជាង​១​សតវត្សរ៍​ផងដែរ ដោយ​រថយន្ត​ទាំងនោះ ជា​កេរ​មតក​តៗ​គ្នា​របស់​ក្រុមគ្រួសារ​ដែល​ចូលចិត្ត​សន្សំ និង​រក្សាទុក​រថយន្ត​សម័យ​ដើម​។​

​ក្នុង​បទ​សម្ភាស​មួយ​ជាមួយ​កាសែត Le Parisien លោកយាយ Maria Aram រីករាយ​ចូលរួម​ក្នុង​ព្រឹត្តិការណ៍ Traversee de Paris លើក​ទី​១០ ជាមួយ​រថយន្ត Opel 1900 GT ហើយ​នេះ​ក៏​ជា​លើក​ទី​៥​ផងដែរ​សម្រាប់​ស្ត្រី​ចំណាស់​ជាង​៧០​ឆ្នាំ​៕

 

 

 

 

រយៈពេល​៧​ខែ​ដើមឆ្នាំ​ចំណូល​ពី​ការលក់​ប័ណ្ណ​ទស្សនា​អង្គរ​មាន​ជាង​៦០​លាន​ដុល្លារ​

រូបភាព

​សៀមរាប​៖ យោងតាម​របាយការណ៍​ពី​គ្រឹះស្ថាន​អង្គរ ចំណូល​ពី​ការលក់​ប័ណ្ណ​ទស្សនា​រមណីយដ្ឋាន​អង្គរ​ក្នុង​រយៈពេល​៧​ខែ​ដើមឆ្នាំ​២០១៧​នេះ មាន​ចំនួន​ជាង ៦០​លាន​ដុល្លារ គឺ​ស្មើនឹង ៦០,៣៩១,៦៥៦​ដុល្លារ​។ ចំនួន​នេះ​គឺមាន​ការកើនឡើង ៦៨.៣៣% បើ​ធៀប​នឹង​ឆ្នាំ​២០១៦​។​

​តាម​របាយការណ៍​រប​ស់​គ្រឹះស្ថាន​អង្គរ ដែល​គ្រប់គ្រង​លើ​ការលក់​ប័ណ្ណ​ចូល​ទស្សនា​រមណីយដ្ឋាន​អង្គរ​របស់​រដ្ឋ មាន​ទេសចរ​បរទេស​ចំនួន ១,៤១៥,៧៦៩​នាក់ ដែល​បាន​ចូល​ទិញ​ប័ណ្ណ​ក្នុង​រយៈពេល​៧​ខែ​នេះ ដែល​ចំនួន​នេះ​មានការ​កើនឡើង ១២.៣៤% ធៀប​នឹង​រយៈពេល​ដូចគ្នា​កាលពី​ឆ្នាំទៅ​។

​ក្នុង​របាយការណ៍​ដដែល ត្រឹម​ខែកក្កដា ចំណូល​ពី​លក់​ប័ណ្ណ​ចូល​អង្គរ​មាន​ចំនួន ៨,២២៣,៦៨៤​ដុល្លារ កើន ៧៨.៥៧% ក្នុង​ចំនួន​ភ្ញៀវ​ចូល​ទិញ​ប័ណ្ណ ១៨២,៦២៣​នាក់ តែ​គ្រឹះស្ថាន​អង្គរ បាន​ដក​ថវិកា​ចំនួន ៣៦៥,២៦៤​ដុល្លារ ចូលទៅក្នុង​មូលនិធិ​មន្ទីរពេទ្យ​គន្ធបុប្ផា​។​

​គួរ​បញ្ជាក់ថា គ្រឹះស្ថាន​អង្គរ បានចាប់ផ្តើម​អនុវត្តន៍​ការលក់​ប័ណ្ណ​ទស្សនា​អង្គរ ចាប់ពី​ខែកុម្ភៈ ឆ្នាំ​២០១៧​មក​។ តម្លៃ​ប័ណ្ណ​សម្រាប់​ភ្ញៀវទេសចរ​បរទេស​ដើរ​មួយថ្ងៃ​ឡើង​ពី​២០ ទៅ​៣៧​ដុល្លារ ប័ណ្ណ​រយៈពេល​៣​ថ្ងៃ ឡើង​ពី​៤០​ទៅ​៦២​ដុល្លារ និង​ប័ណ្ណ​រយៈពេល​មួយ​សប្តាហ៍ ឡើង​ពី​៦០ ទៅ​៧២​ដុល្លារ​។ ក្នុង​សេចក្តីជូនដំណឹង​របស់​គ្រឹះស្ថាន​អង្គរ ដែល​បានចេញ​ផ្សាយ​នៅ​ថ្ងៃទី​៥ សីហា​ឆ្នាំ​២០១៦​កន្លងទៅ តម្លៃ​ទាំងអស់ នឹងត្រូវ​កាត់​ចូលទៅក្នុង​មូលនិធិ​មន្ទីរពេទ្យ​គន្ធបុប្ផា​ចំនួន​២​ដុល្លារ ហើយ​វា​នឹងត្រូវ​ដាក់​បញ្ជាក់​នៅ​ផ្នែក​ខាងក្រោយ​ខ្នងសំបុត្រ  ដើម្បី​បញ្ជាក់ប្រាប់​ភ្ញៀវទេសចរ​ផងដែរ​៕

​

កូន​ខុសត្រូវ​ពិន័យ តែបើ​សន្យាអ្វីមួយ​ជាមួយ​កូន​ត្រូវតែ​ធ្វើតាម​ការសន្យា​

១. ត្រូវធ្វើ​អ្វីដែល​អ្នក​បាន​និយាយ ហើយ​កុំ​និយាយ​អ្វីដែល​អ្នក​មិនអាច​ធ្វើបាន​

​បើ​អ្នក​ដាក់ពិន័យ​កូន​ឲ្យ​ចម្លង​អត្ថបទ ១០០ ចប់ ត្រូវតែ​ឲ្យ​កូនសរ​សេរ​ឲ្យ​បាន​គ្រប់​ចំនួន​។ សូមកុំ​ទទួលយក​អត្ថបទ ២០ ចប់​ឲ្យ​សោះ​។​

២. ត្រូវមាន​គោលជំហរ​រឹងមាំ​ជាង​កូន​
​បើ​អ្នក​និយាយថា​«​ទេ​» មិនត្រូវ​ផ្លាស់ប្តូរ​គំនិត​ឡើយ ទោះជា​កូន​ស្រែកយំ​យ៉ាងណាក៏ដោយ ព្រោះ​ថាបើ​អ្នក​ចុះចាញ់ កូន​នឹង​រឹតតែ​ប្រកាន់យក​ចរិត​រឹងរូស​នេះ​ថែមទៀត​។​

៣. ត្រូវ​ចេះ​សរសើរ និង​លើកទឹកចិត្ត​ចំពោះ​ទង្វើ​ល្អ​របស់​កូន​។​
​ត្រូវ​ចេះ​ថ្លឹងថ្លែង ក្រៅពី​ការស្តីបន្ទោស ត្រូវ​លើក​ពី​ចំណុច​ល្អ​មក​សរសើរ​កូន​ផងដែរ​។​

៤. ផ្តល់​ក្តី​ស្រឡាញ់​ដល់​កូន​ឲ្យ​បាន​ច្រើន​
​ក្រៅពី​ការដាក់វិន័យ និង​ទណ្ឌកម្ម អ្នក​គួរតែ​ចំណាយពេល​នៅ​ជាមួយ​កូន​ផងដែរ​។ ត្រូវ​ផ្តល់​ការចាប់អារម្មណ៍​ចំពោះ​អ្វីដែល​កូន​ធ្វើ ហើយ​បង្ហាញ​ឲ្យ​កូន​ឃើញថា អ្នក​ស្រឡាញ់​រូបគេ​។ នេះ​ជា​វិធី​ល្អ​បំផុត ដើម្បី​ឲ្យ​កូន​យល់ និង​ទទួលយក​ច្បាប់​វិន័យ​របស់​អ្នក​។

៥. ដាក់ពិន័យ​ភ្លាមៗ កុំ​រង់ចាំ​យូរ​
​ការដាក់ពិន័យ​យូរថ្ងៃ​ក្រោយ​ការប្រព្រឹត្ត​ខុស មិនសូវមាន​ប្រសិទ្ធភាព​ចំពោះ​ក្មេង​ឡើយ​។

៦. ការសម្រេចចិត្ត​ស្ថិតនៅលើ​អ្នក​
​អ្នក​ត្រូវធ្វើ​ការសម្រេច​ណាមួយ​ដែលជា​ជម្រើស​ដ៏​ល្អ​សម្រាប់​កូន បន្ទាប់ពី​បាន​ស្តាប់​យោបល់​កូន​។​

៧. បង្រៀន​ឲ្យ​កូន​ចេះ​ផ្តល់​តម្លៃ​ចំពោះ​អ្វីៗ​ដែល​នៅ​ជុំវិញខ្លួន​
​ដើម្បី​ឲ្យ​កូន​ជៀស​ផុតពី​ភាព​អាត្មានិយម ការ​ច្រណែន និង​ការ​មើលងាយ​ជាដើម អ្នក​គួរតែ​បង្រៀន​គេ​ឲ្យ​ចេះ​ផ្តល់​តម្លៃ​ចំពោះ​ការគោរព​អ្នកដទៃ ការអត់ធ្មត់ ការអត់ឱន​។​ល​។​

៨. កុំ​ទម្រើសកូន តាមរយៈ​សម្ភារ​
​សុំ​កុំ​ឲ្យ​កូន​មាន​ទម្លាប់​នឹង​ការទទួលបាន​កាដូ​ងាយៗ​ដូចជា សម្លៀកបំពាក់​ថ្មី ឬ​ការ​នាំទៅ​បរិភោគ​អាហារ​ខាងក្រៅ​ផ្ទះ ដោយ​មិនបាច់​ធ្វើការ​ដោះដូរ​អ្វី​នោះ​។​

៩. ផ្តល់​អាទិភាព​ទៅលើ​ការខិតខំ​ប្រឹងប្រែង ជាជាង​លើ​លទ្ធផល​
​ក្មេង​ខ្លះ​អាច​ខំប្រឹងប្រែង​ខ្លាំង ប៉ុន្តែ​នៅតែ​មិនបាន​លទ្ធផល​ល្អ ចំណែក​ក្មេង​ខ្លះទៀត​មិនបាន​ខំប្រឹង​អ្វី​សោះ តែ​បែរជា​បាន​ជោគជ័យ​ទៅវិញ​។​

១០. ជៀសវាង​វត្តមាន​ល្បែង​អេ​ឡិច​ត្រូ​និ​ច​នៅក្នុង​បន្ទប់​
​ល្បែង​ប្រភេទ​នេះ​ធ្វើ​ឲ្យ​កេ្ម​ង​ឯកោ ហើយ​ក្មេង​មិនបាន​ចំណាយពេល​ទៅ​ការសិក្សា​។​

១១. កុំ​ធ្វើ​អ្វី​ជំនួស​កូន ត្រូវ​បង្រៀន​ឲ្យ​គេ​ចេះ​ម្ចាស់ការ​លើ​ខ្លួនឯង​
​ត្រូវ​បង្រៀន​កូន​ឲ្យ​សកម្ម និង​ខិតខំ​ប្រឹងប្រែង​ដើម្បី​ទទួលបាន​នូវ​អ្វីដែល​គេ​ចង់បាន​។ អ្នក​អាច​ទុក​ឲ្យ​កូន​ជួប​រឿង​បរាជ័យ រួច​ចាប់ផ្តើម​ក្រោកឈរ​សារជាថ្មី​បាន ដើម្បី​ឲ្យ​គេ​រឹងមាំ​។​

១២. កុំ​ដាក់​បញ្ជា​ហាមឃាត់​ដាច់ខាត​ខ្លាំងពេក​
​បើ​អ្នក​ហាម​កូន​កុំ​ឲ្យ​ស្រែក ដោយ​យក​ហេតុផល​ថា អ្នក​មិន​ចូលចិត្ត​សំឡេង​រំខាន កូន​រឹតតែ​ស្រែក​ខ្លាំង​ឡើង​។​

១៣. ធ្វើ​កិច្ចសន្យា​ជាមួយ​កូន (​កូន​មាន​អាយុ​យ៉ាងតិច ៨ ឆ្នាំ​)
​ធ្វើបញ្ជី​មួយ​រៀបរាប់​ពីអ្វី​ដែល​អ្នក​ចង់​ឲ្យ​កូន​ធ្វើ អ្វីដែល​អ្នក​មិន​ចូលចិត្ត រួច​ឲ្យ​កូន​ធ្វើបញ្ជី​មួយ​ដូចគ្នា​ដែរ​។ បន្ទាប់មក ម្នាក់ៗ​ចាប់ផ្តើម​ចរចា​ជាមួយគ្នា ដោយ​ដាក់​លក្ខខណ្ឌ​ផ្សេងៗ​។ ជួនកាល វត្តមាន​ភាគី​ទី​បី​ក៏​អាចមាន​ប្រយោជន៍​ក្នុង​ការចរចា​នេះដែរ​៕

 

 

សម្បត្តិបេតិកភណ្ឌធម្មជាតិ ភ្នំត្បែង សម្រស់ស្អាតដាច់គេ កាំជណ្តើរ ១៨០០កាំ

គ្រប់ដណ្តប់លើផ្ទៃដីធម្មជាតិប្រមាណជាង២ម៉ឺន៥ពាន់ហិកតា តំបន់ភ្នំត្បែង មានសម្រស់ធម្មជាតិស្អាតដាច់គេ មានទឹកធ្លាក់បីតង់តាម៉ា ទឹកធ្លាក់តាំងយូរ ឬចាក់អង្រែ រូងប្រជៀវភ្នំត្បែង និងទីតាំងសក្ការៈថ្មីបីដុំ។ ប៉ុន្តែមុននឹងឡើងដល់ទីតាំងដ៏ស្រស់ស្អាតទាំងនេះ អ្នកធ្វើដំណើរត្រូវឆ្លងកាត់ផ្លូវជម្រេលភ្នំ ដែលអមសងខាងដោយចំការ​ចេកដាក់កន្ទុយភ្នែក ហើយអ្វីដែលសំខាន់នោះគឺការឡើងភ្នំដែលមានកម្ពស់ជាង៤០០ម៉ែត្រដែលមានកាំជណ្តើរ​១ពាន់៨រយកាំ។

សូមបញ្ជាក់ថា រាជរដ្ឋាភិបាលកម្ពុជាតាមរយៈសំណើររបស់ក្រសួងបរិស្ថាន បានដាក់បញ្ចូលតំបន់ភ្នំត្បែងចូលជាសម្បត្តិបេតិកភណ្ឌធម្មជាតិកាលពីថ្ងៃទី១៣ ខែកញ្ញា ឆ្នាំ២០១៦។ តំបន់បេតិកភណ្ឌភ្នំត្បែងគ្រប់ដណ្តប់ចំនួន​៥ស្រុក គឺស្រុក គូលេន សង្គមថ្មី ត្បែងមានជ័យ ក្រុងព្រះវិហារ និងរវៀង។

សូមបញ្ជាក់ថា ចាប់ពីថ្ងៃទី២៨ដល់ថ្ងៃទី៣០ ខែកក្កដានេះ យុវជនកម្ពុជាមួយក្រុមដែលមានគ្នាប្រមាណ៤០នាក់នឹងបោះតង់រយៈពេលបីថ្ងៃនៅតំបន់បេតិកភណ្ឌធម្មជាតិភ្នំត្បែងដែលស្ថិតក្នុងភូមិសាស្ត្រ ខេត្តព្រះវិហារ។

លោក សា ឌីណា ស្ថាបនិកក្រុមដំណើរកំសាន្ត Cambodia Amazing Trip Planner ដែលជាអ្នករៀបចំការបោះតង់នេះ បានបញ្ជាក់ថា ភ្នំត្បែងគឺជាតំបន់ធម្មជាតិដ៏ស្រស់ស្អាតដែលមានទឹកធ្លាក់ ព្រៃធម្មជាតិធំល្វឹងល្វើយ និងសត្វព្រៃ រួមទាំង ជាតំបន់ប្រវត្តិសាស្ត្រដែលព្រះរាជាខ្មែរកាលពីសម័យបូរាណបានធ្វើពិធីផ្សេងៗ។

លោកជឿជាក់ថា ដំណើរកំសាន្តផ្លូវការទី១របស់លោកទៅកាន់ភ្នំត្បែងនឹងទទួលបានជោគជ័យព្រោះថាអ្នកធ្វើដំណើរទាំងអស់នឹងភ្ញាក់ផ្អើលជាមួយនឹងសម្រស់ធម្មជាតិ តាំងពីជើងភ្នំ រហូតដល់កន្លែងកំសាន្តនានា ហើយលោកជឿជាក់ថា អ្នកបោះតង់ទាំងអស់នឹងនិយាយពាក្យមួយថាអស្ចារ្យ៕
រូបភាព៖ Cambodia Amazing Trip Planner
ប្រភព៖ក្រសួងបរិស្ថាន

 

 

 

 

 

 

 

 

First blog post

This is your very first post. Click the Edit link to modify or delete it, or start a new post. If you like, use this post to tell readers why you started this blog and what you plan to do with it.